Evrópusambandið hefur boðið kínverskum stjórnvöldum bóluefni gegn COVID-19 án endurgjalds til liðsinnis í glímunni við umfangsmikla bylgju faraldursins sem nú ríður yfir landið.

Þetta boð er hluti af sameiginlegri viðbragsðáætlun Evrópusambandsríkja gagnvart hættunni af smitum með ferðalöngum frá Kína, sem Stella Kyriakides, heilbrigðismálastjóri sambandsins, hyggst innleiða.

Hún er sömuleiðis sögð hafa boðið Kínverjum aðstoð heilbrigðisérfræðinga en ekki hafa enn borist viðbrögð þarlendra stjórnvalda.