Anas Haqqani, leiðtogi Afganistans, er harðorður í garð Harry prins fyrir ummæli sem hann lætur falla í ævisögu sinni um tíma sinn í breska hernum í Afganistan. Harry segist í bókinni hafa orðið 25 að bana í Afganistan og hann hafi ekki litið á fórnarlömb sín sem manneskjur, heldur séð þá sem taflmenn. Haqqani skrifar á Twitter: „Herra Harry! Þeir sem þú drapst voru ekki taflmenn, þeir voru manneskjur; Þeir áttu fjölskyldur sem biðu eftir því að fá þá aftur heim.“

Harry skapaði sér ekki aðeins óvinsældir talibana, heldur einnig fyrrum félaga í breska hernum. Tim Collins, uppgjafaherforingi sem leiddi breska hersveit í Írak árið 2003, fordæmir bókina og segir hana sorglega svikamyllu til að græða pening. „Svona hagar þú þér ekki í hernum, við hugsum ekki svona,“ hefur AFP fréttaveitan eftir Collins. Hann segir Harry nú hafa snúið baki við hinni fjölskyldu sinni, hernum, eftir að hafa gert lítið úr konungsfjölskyldunni.