Á annan tug skíðafólks sat fast í skíðalyftu í Hlíðarfjalli frá klukkan hálf tvö í dag. Lyftan, sem nefnist Fjarkinn, stöðvaðist eftir að vír fór út af sporinu.

Samkvæmt upplýsingum frá lögreglunni á Norðurlandi eystra tókst að koma nokkrum úr lyftunni á þriðja tímanum, en það var ekki fyrr en klukkan hálf fjögur sem tókst að bjarga koma öllum niður, að sögn Magnúsar Arturo Batista, svæðisstjóra í Hlíðarfjalli.

Bilunin er ekki talin tengjast veðri, enda fínasta veður í fjallinu. Annars hefði skíðasvæðið ekki verið opið.