Svo rammt kveður að deilum í Danmörku vegna áforma ríkisstjórnar Mette Frederikssen um að afnema lögbundinn frídag að Magnus Heunicke umhverfisráðherra hefur ákveðið að fresta fyrirhugaðri ferð sinni til Indlands.

Frídagurinn umdeildi er fjórði föstudagur eftir páska, nefndur Stóri bænadagur en markmið stjórnvalda með aflagningu hans er spara fé svo mæta megi auknum útgjöldum til varnamála vegna innrásar Rússa í Úkraínu.

Bænadagurinn hefur verið haldinn hátíðlegur síðastliðin þrjú hundruð ár og áformin hafa mætt þungri andstöðu almennings, þjóðkirkjunnar, verkalýðsfélaga og stjórnarandstöðunnar. Fulltrúar hennar krefjast þess að þingheimur allur, þar á meðal ráðherrar, greiði atkvæði um tillögu ríkisstjórnarinnar.