Ein af eldflaugunum sem Rússar notuðu í umfangsmikilli árás á Úkraínu í morgun fór í gegnum pólska lofthelgi. Þetta sagði Wieslaw Kukula yfirmaður í pólska hernum á blaðamannafundi í dag.

Hann sagði flaugina hafa komið þangað frá Úkraínu, verið í pólsku lofthelginni í um þrjár mínútur og síðan yfirgefið lofthelgina aftur til Úkraínu. Hún hafi farið um 40 kílómetra inn í landið.

Pólverjar höfðu tilkynnt í morgun að óþekktur hlutur hefði sést í pólskri lofthelgi, en nú telja þeir sig vita að það var eldflaug frá Rússum.