9. janúar 2024 kl. 1:23
Erlendar fréttir
Bandaríkin

Ellefu særð eftir spreng­ingu í Texas

Hugrún Hannesdóttir Diego

Ellefu eru slasaðir eftir sprengingu við hótel í miðborg Fort Worth í Texas í Bandaríkjunum í kvöld. Einn er alvarlega slasaður að sögn yfirvalda.

Lögreglubíl hefur verið lagt á gatnamótum fyrir framan hótel eftir sprengingu. Tveir lögreglumenn ganga á vettvangi og hóp slökkviliðsmanna má sjá í baksýn. Handa lögreglubílsins liggur brak í hrúgu fyrir framan hótelbygginguna þar sem sjá má nokkrar skemmdir og reyk sem stígu út um op þar sem rúður hafa sprungið.
ASSOCIATED PRESS / Cameron Arnold

Ekki er talið að sprengingin hafi komið til með saknæmum hætti. Að sögn skrifstofu áfengis, tóbaks, skotvopna og sprengiefna í Bandaríkjunum má rekja tildrög hennar til jarðgass.

Mikil gaslykt liggur í loftinu eftir sprenginguna og brak dreifðist um nærliggjandi götu sem leiddi til umferðartafa.

Yfirlitsmynd af bílastæði við hótel í Texas eftir sprengingu. Fimm slökkviliðsmenn starfa á vettvangi og heldur einn þeirra á stiga yfir höfði sér. Mikið brak er dreift um bílastæðið og á byggingunni sést hvernig rúður hafa sprungið og vegghlutar hrunið.
ASSOCIATED PRESS / Kathy Johnson