Bílaframleiðandinn Tesla tilkynnti í dag um verðlækkun á bílum sínum víða um heim.

Það er gert til að bregðast við dvínandi sölu og samkeppni í rafbílaiðnaði sem hefur valdið Tesla vandræðum.

Samdráttur varð í sölu Tesla á heimsvísu á fyrsta fjórðungi ársins. Það er í fyrsta sinn í fjögur ár sem það gerist.

Fleiri slæmar fréttir hafa komið úr herbúðum Tesla að undanförnu, en fyrirtækið sagði upp 10% af starfsfólki sínu í upphafi viku.

Í frétt Reuters segir að hlutabréf í Tesla hafi fallið um 40,8 prósent það sem af er ári.