Finnska lögreglan rannsakar nú andlát fimmtán ára stúlku sem fannst látin í skógi við Valkeakoski í sunnanverðu Finnlandi í morgun. Málið er rannsakað sem manndráp að því er fram kemur á vef finnska ríkisútvarpsins YLE. Einn hefur verið handtekinn í tengslum við rannsókn málsins.

Stúlkan skilaði sér ekki heim eftir að hafa verið í samkvæmi á föstudagskvöld og var hvarf hennar tilkynnt til lögreglunnar. Vinir hennar fundu hana látna í skóglendi í gærmorgun en enginn þeirra er grunaður um aðild að málinu.

Lögreglan segir rannsóknina vera á frumstigi og hefur lítið gefið upp um málið að svo stöddu.

Fréttin hefur verið uppfærð.