Bandaríkjamenn gerðu árás á fimmtán skotmörk í Jemen í kvöld. Í tilkynningu frá varnarmálaráðuneyti Bandaríkjanna segir að árásirnar hafi beinst að skotmörkum undir stjórn Húta, með það að markmiði að stöðva árásir Húta á flutningaskip.

Skotmörk Bandaríkjahers voru flest í hafnarborginni Hodeidah og í höfuðborginni Sanaa.

Hútar hófu árásir á flutningaskip á leið til eða frá Ísrael um Rauðahaf í nóvember í fyrra til stuðnings baráttu palestínsku þjóðarinnar.