Þrjú börn eru á meðal þeirra sem drepin voru í loftárás Ísraelshers á flóttamannabúðirnar Khan Yunis á Gaza í nótt. Yfirvöld þar segja að ellefu hafi verið drepin í árásinni, þar af börnin þrjú.

Eldflaug var í nótt skotið frá Jemen í átt að Ísrael, sem samkvæmt upplýsingum þarlenda hernaðaryfirvalda var grandað. Uppreisnarsveitir Húta sem ráða lögum og lofum í stórum hluta Jemen hafa síðan í október 2023 skotið eldflaugum og gert drónaárásir á Ísrael og skip á siglingu um Rauðahaf.

Hútar hafa þó ekki sagst hafa skotið flauginni í nótt en lýstu ábyrgð á tveimur árásum í fyrradag.