Fulltrúar Sameinuðu þjóðanna vinna að því að dreifa hjálpargögnum á Gaza eftir að 90 vörubílum með neyðaraðstoð var hleypt í gegnum Kerem Shalom-landamærastöðina í dag .

Þetta er í fyrsta sinn sem ísraelsk stjórnvöld leyfa flutning neyðargagna síðan 2. mars.

Yfirmaður mannúðarmála hjá Sameinuðu þjóðunum fullyrti í gær að fjórtán þúsund börn gætu dáið á Gaza á næstu tveimur sólarhringum ef hjálpargögn berast ekki í tæka tíð.

Benjamín Netanjahú forsætisráðherra Ísraels sagði á blaðamannafundi í kvöld einungis tilbúinn að ljúka stríðinu ef Hamas leggur niður vopn, leiðtogar samtakanna verði reknir á brott og svæðið allt gert vopnlaust.