Minnst sjö fórust þegar vegarbrú hrundi niður á járnbrautarteina í rússneska fylkinu Bryansk, um 100 kílómetra frá landamærunum að Úkraínu.

Járnbrautarfyrirtæki Moskvuborgar segir að járnbrautalest hafi farið út af teinunum og kennir ólöglegu athæfi um að brúin féll. Fylkisstjórinn Aleksandr Bogomaz greindi frá atvikinu á samskiptaforritinu Telegram og sagði 69 hafa verið flutt á sjúkrahús, þar á meðal 2 börn.

Í morgun bárust þau tíðindi að járnbrautarbrú hrundi í Kúrsk meðan flutningalest ók yfir hana. Lestarstjórinn slasaðist og vagnar lentu á veginum.

Rússneskir rannsakendur segja brýrnar hafa verið sprengdar, og fullyrða hryðjuverk.