Reykjavíkurborg stefnir að opnun flestra sundlauga borgarinnar klukkan þrjú á morgun. Laugunum var lokað vegna álags á hitaveitukerfi Veitna í kuldatíðinni og skertu flæði á heitu vatni til stórnotenda.

Í tilkynningu frá borginni er tekið fram að útisundlaugar gætu ekki hafa hitnað til fulls þegar laugarnar verða opnaðar. Heitir pottar ættu hins vegar að vera orðnir heitir.

Ylströndin í Nauthólsvík verður opnuð klukkan 12 á hádegi á morgun og Árbæjarlaug verður opnuð á laugardagsmorgun klukkan níu.