Allnokkrum flugferðum til Keflavíkurflugvallar þennan morguninn hefur verið aflýst og að minnsta kosti sex brottförum. Öðrum brottförum morgunsins hefur verið seinkað til klukkan 8:30.

Öllu innanlandsflugi hefur verið frestað og verður staðan tekin klukkan 8:30.

Kröpp lægð gengur nú yfir suðvestanvert landið og hefur Veðurstofa Íslands gefið út appelsínugula viðvörun á svæðinu.