Root

Kosningar

Forsetakosningar 2024

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Birgir Þór Harðarson

Brynjólfur Þór Guðmundsson

Bjarni Benediktsson, formaður Sjálfstæðisflokksins, er nú sjöundi ráðherrann sem segir af sér í lýðveldissögunni. Hann biðst lausnar eftir að álit umboðsmanns Alþingis lýsti því hvernig hann var vanhæfur til þess stjórnsýsla ráðherra við undirbúning sölumeðferðar með hlut ríkisins í Íslandsbanka hafi ekki verið í nægilega góðu samræmi við stjórnunar- og eftirlitsskyldu hans gagnvart Bankasýslu ríkisins.<figure class="richtext-image full-width img-id-325135"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0lNR185NzU5Ml9vQVZETUJnLmpwZyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Bjarni Benediktsson fjármálaráðherra greinir frá afsögn sinni eftir álit umboðsmanns Alþingis. Í álitinu segir að fjármálaráðherra hafi ekki verið hæfur til að samþykkja sölu á Íslandsbanka. Bjarni er í dökkbláum jakka með grátt bindi. Hann stendur við hvítt púlt, framan við blátt tjald merkt stjórnarráði Íslands." title="fre_20231010_105114532" /><figcaption>RÚV / Ragnar Visage</figcaption></figure>Félagið Hafsilfur er eigu föður Bjarna Benediktssonar fjármálaráðherra og var meðal þeirra sem keyptu hlut í Íslandsbanka þegar 22,5 prósenta hlutur í bankanum var seldur í útboði. Bjarni hefur ítrekað sagt að hann hafi fyrst fengið að vita af kaupum félagsins þegar ráðuneytið fékk lista yfir kaupendur frá Bankasýslunni þegar útboðinu var lokið.Umboðsmaður hóf athugun á þessum þætti í mars, fékk svör frá Bjarna nokkrum vikum seinna og óskaði í maí eftir frekari gögnum. Umboðsmaður segir það ekki hagga niðurstöðu sinni þótt ekkert hafi komið fram sem dragi í efa þá staðhæfingu Bjarna um að honum hafi verið ókunnugt um þátttöku Hafsilfurs í útboði Íslandsbanka.Umboðsmaður Alþingis segir í áliti sínu að ráðherra hefði borið að fylgjast með því eftir föngum hvort og hvernig sölumeðferðin horfði við kröfum sérstakra hæfisreglna stjórnsýsluréttar. Ekkert kæmi fram í samtímagögnum um þetta atriði og því yrði að líta svo á að stjórnsýsla ráðherra hefði ekki verið í nægilega góðu samræmi við stjórnunar- og eftirlitsskyldu hans.

Bjarni Benediktsson, 2023

Sigríður Andersen var sjötti ráðherrann sem baðst lausnar eftir að hafa sætt harðri gagnrýni fyrir störf sín. Þegar kom að því að skipa fyrstu dómarana í Landsrétti, nýju millidómsstigi, vék hún frá mati nefndar sem meta átti hæfni umsækjenda. Þetta sætti mikilli gagnrýni og harðvítugar deilur voru um málið á Alþingi.<figure class="richtext-image full-width img-id-183975"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL2ZyXzIwMTgxMjE0XzEwMTU3MS5qcGciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="" title="fr_20181214_101571.jpg" /><figcaption>RÚV / Kristinn Þeyr Magnússon</figcaption></figure>Umsækjendurnir fjórir sem Sigríður tilnefndi ekki þrátt fyrir að þeir væru metnir meðal fimmtán hæfustu unnu allir dómsmál gegn ríkinu. Sigríður stóð af sér vantrauststillögu á þingi. Þegar dómur Mannréttindadómstóls Evrópu var birtur sagðist Sigríður <a href="http://www.ruv.is/frett/segist-ekki-hafa-astaedu-til-ad-segja-af-ser" rel="nofollow" target="_blank">enga ástæðu hafa til</a> að segja af sér. Rétt rúmum sólarhring síðar tilkynnti Sigríður að hún „<a href="http://www.ruv.is/frett/sigridur-stigur-til-hlidar" rel="nofollow" target="_blank">stigi til hliðar</a>“.

Sigríður Andersen, 2019

Sigmundur Davíð Gunnlaugsson varð fyrsti forsætisráðherra landsins til að segja af sér vegna hneykslismála þann 5. apríl 2016 eftir uppljóstranir í Panamaskjölunum um félagið Wintris. Fjallað var um málið í Kastljósþætti sem gerður var í samvinnu við Reykjavík Media. Þar þrætti Sigmundur fyrir félagið og gekk út úr viðtali.<figure class="richtext-image full-width img-id-20353"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL2ZyXzIwMjEwOTI0XzE2NjM2Mi5qcGciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="" title="fr_20210924_166362.jpg" /><figcaption>RÚV / Birgir Þór Harðarson</figcaption></figure>Fréttirnar vöktu hörð viðbrögð og þúsundir mótmæltu á Austurvelli. Sigmundur hugðist í fyrstu sitja sem fastast en hrökklaðist á endanum úr embætti. Sigurður Ingi Jóhannsson tilkynnti að Sigmundur myndi hætta sem forsætisráðherra. Að kvöldi sama dags gaf forsætisráðuneytið út að Sigmundur viki aðeins tímabundið en það var síðar borið til baka.Sigmundur gekk úr Framsóknarflokknum eftir að hafa tapað formannskjöri og stofnaði Miðflokkinn sem setti Íslandsmet í fylgi nýs flokks, fékk sömu prósentu og Borgaraflokkurinn 30 árum áður.

Sigmundur Davíð Gunnlaugsson, 2016

Hanna Birna Kristjánsdóttir sagði af sér sem innanríkisráðherra í nóvember árið 2014. Hún hafði lengi sætt harðri gagnrýni vegna lekamálsins þar sem Gísli Freyr Valdórsson, aðstoðarmaður hennar, lét fjölmiðlum í té minnisbréf um hælisleitendur sem hann hafði átt við áður en hann dreifði því.Gísli neitaði sök þar til rétt áður en aðalmeðferð í máli hans hófst fyrir dómstólum. Ráðherrann og ráðuneytið voru gagnrýnd fyrir framgöngu sína í málinu.<figure class="richtext-image full-width img-id-236389"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL2hhbm5hX2Jpcm5hX2tyaXN0amFuc2RvdHRpcl8wLmpwZyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="" title="Hanna Birna kærð" /><figcaption>Óþekkt</figcaption></figure>Dómsmálin voru flutt úr innanríkisráðuneytinu í forsætisráðuneytið meðan á rannsókn lekamálsins stóð. Það var þá kynnt sem tímabundin lausn en þremur mánuðum síðar sagði Hanna Birna að hún hefði sagt af sér sem dómsmálaráðherra, en sat þá áfram sem innanríkisráðherra. Nokkru síðar sagði hún af sér.

Hanna Birna Kristjánsdóttir, 2014

Björgvin G. Sigurðsson var viðskiptaráðherra þegar bankakerfið íslenska hrundi á haustdögum 2008. Hann sagði af sér undir lok janúar 2009, degi áður en ríkisstjórnin sprakk en þó var vitað í hvað stefndi. Hann sagðist hafa viljað segja af sér strax við hrunið en verið talinn á að halda áfram til að viðhalda þeim stöðugleika í stjórn landsins sem hægt væri.Á lokadegi í embætti rak Björgvin stjórn og forstjóra Fjármálaeftirlitsins og baðst svo lausnar. Honum hafði verið haldið utan við hringiðuna þegar rætt var um aðgerðir til að bjarga Glitni þrátt fyrir að vera ráðherra bankamála

Björgvin G. Sigurðsson, 2009

Guðmundur Árni Stefánsson sagði af sér sem heilbrigðisráðherra í nóvember 1994. Hann hafði sætt harðri gagnrýni vegna embættisfærslu sinnar í starfi, sérstaklega vegna embættisloka tryggingayfirlæknis.Ríkislögmaður taldi að segja mætti tryggingayfirlækni upp störfum án þess að hann fengi bætur en þess í stað fékk hann þrjár milljónir króna í uppgjör gegn því að segja sjálfur af sér. Guðmundur Árni sat á þingi fram á þessa öld en varð sendiherra þegar hann hætti á þingi.

Guðmundur Árni Stefánsson, 1994

Albert Guðmundsson iðnaðarráðherra varð að segja af sér ráðherradómi árið 1987 vegna spillingarmála sem tengdust Hafskipi. Hann hafði fengið greiðslur frá fyrirtækinu sem hann taldi ekki fram til skatts.Hart hafði verið deilt á Albert í nokkurn tíma áður en hann sagði af sér 24. mars 1987. Hann varð þá fyrsti ráðherra í lýðveldissögunni til að segja af sér ráðherradómi vegna hneykslismála.Albert átti að skipa efsta sæti á lista Sjálfstæðisflokksins í Reykjavík í þingkosningum um vorið. Skömmu eftir afsögn sína tilkynnti Albert um þingframboð undir merkjum Borgaraflokksins og vann stærsta kosningasigur nýs framboðs. Það met varð ekki jafnað fyrr en í síðustu þingkosningum. Albert varð sendiherra í París áður en kjörtímabilið var úti.

Albert Guðmundsson, 1987

fre_20231010_122709559

Bjarni Benediktsson er sjöundi ráðherrann í ríkisstjórn Íslands sem biðst lausnar frá stofnun lýðveldisins 1944 vegna gagnrýni eða mótmæla. Hann er fjórði ráðherra Sjálfstæðisflokksins sem segir af sér ráðherradómi.

Sjö ráðherrar sem báðust lausnar