Land rís enn við Svartsengi. Landið er um fimm sentimetrum hærra en fyrir kvikuhlaupin 10. nóvember og 18. desember. Þetta kemur fram í tilkynningu á vef Veðurstofunnar.

Skjálftavirkni mælist enn frekar lítil. Hún er að mestu á milli Hagafells og Stóra-Skógfells, við miðju kvikugangsins.

Líkön sem byggð eru á aflögunarmælingum benda til þess að kvika sem hefur safnast í lárétta kvikuinnskotið undir Svartsengi sé orðin álíka mikil og var í kvikuganginum þegar gaus.

Það þýðir að aukin hætta sé á kvikuhlaupi á næstu dögum.