Lægð skammt suðvestur af Reykjanesi veldur austlægri eða breytilegri átt í dag, víða verður gola eða kaldi.

Rigning verður með köflum, einkum sunnanlands en úrkomulítið um landið norðaustanvert.

Hiti verður 7 til 13 stig, en svalara norðvestantil.

Á morgun má búast við norðlægari vindi og strekkingi vestast. Lítilsháttar skúrir eða slydduél norðan heiða, en skúrir á Suðausturlandi.

Hiti verður á bilinu 2 til 12 stig, mildast syðst.

Á þriðjudag kemur hæðarhryggur yfir landið með björtu veðri, en stöku skúrum suðaustanlands.