Sigríður Júlía Brynleifsdóttir verður næsti bæjarstjóri Ísafjarðarbæjar. Forveri hennar í starfi, Arna Lára Jónsdóttir, náði kjöri á Alþingi í nýafstöðnum kosningum. Arna Lára hefur verið bæjarstjóri frá 2022.

Sigríður Júlía situr í bæjarstjórn og hefur verið bæði forseti bæjarstjórnar og formaður skipulags- og mannvirkjanefndar. Þar að auki hefur hún síðustu misseri verið skólastjóri Lýðskólans á Flateyri. Hún starfaði áður hjá Skógræktinni.

Sigríður mun hefja störf sem bæjarstjóri 7. janúar.