Lögreglan á höfuðborgarsvæðinu var kölluð til vegna umferðarslyss þar sem ekið hafði verið á gangandi vegfaranda. Ekki er vitað um nákvæm meiðsli en viðkomandi var með meðvitund þegar lögreglu bar að garði. Málið er í rannsókn.

Þá bárust tilkynningar um þjófnaði í verslunum víðs vegar um höfuðborgarsvæðið og voru þau mál leyst á vettvangi. Að minnsta kosti tveir ökumenn voru stöðvaðir, grunaðir um ölvunarakstur, og í miðbæ Reykjavíkur var maður handtekinn eftir að hafa sýnt ógnandi hegðun á veitingahúsum. Hann var látinn laus eftir skýrslutöku. Til rannsóknar eru einnig eignaspjöll í heimahúsi þar sem rúða hafði verið brotin.