Serbinn Nikola Jokić leiddi Denver Nuggets til 104 : 93 sigurs gegn Miami Heat í úrslitum NBA-körfuboltadeildarinnar bandarísku í nótt.

Denver Nuggets var stofnað árið 1967 undir heitinu Denver Larks en því var nær umsvifalaust breytt í Denver Rockets. Nuggets nafnið var tekið upp 1974, liðið hefur aldrei áður komist í úrslit en Miami Heat, stofnað 1988, er þrefaldur meistari. Titlarnir komu allir á þessarri öld.

Jokić skoraði 27 stig, náði tíu fráköstum og fjórtán stoðsendingum. Það lið sem hefur betur í allt að sjö viðureignum hampar meistaratitlinum en næsti leikur verður á heimavelli Nuggets í Ball Arena í Denver.