Grindavík leikur til úrslita um Íslandsmeistaratitil karla í körfubolta. Það varð ljóst eftir 49 stiga sigur liðsins á Keflavík í oddaleik liðanna í undanúrslitum í kvöld, 112-63. Keflvíkingar voru yfir eftir fyrsta leikhluta 10-17 en Grindavík leiddi með einu stigi í hálfleik, 41-40 svo það stefndi í spennandi seinni hálfleik.

Sú varð þó aldeilis ekki raunin því Grindvíkingar gerðu út um leikinn í þriðja leikhluta þegar þeir skoruðu 40 stig gegn aðeins níu stigum Keflavíkur. Grindavík var því 32 stigum yfir fyrir lokaleikhlutann og úrslitin í raun ráðin.

Grindavík leikur til úrslita við annað hvort Val eða Njarðvík sem eigast nú við í oddaleik á Hlíðarenda.