Keppni á Ólympíuleikunum í París hófst í dag þegar flautað var til leiks í knattspyrnu karla. Marokkó og Arg­entína skildu jöfn á sama tíma og Spánn vann naum­an sig­ur á Úsbekist­an í fyrstu leikjum dagsins.

Spennan var mikil í leik í leik Marokkó og Argentínu. Soufiane Rahimi kom þeim fyrrnefndu í góða stöðu með tveimur mörkum. Varamaðurinn Giuliano Simeone minnkaði muninn fyrir Argentínumenn þegar tuttugu mínútur lifðu leiks. Það var svo komið fram á sextándu mínútu uppbótatíma þegar Cristian Med­ina náði að jafna fyr­ir Arg­entínu.

Uppfært! Jöfnunarmarkið var dæmt af tveimur tímum síðar

Spánn vann 2-1 sigur á Úsbekistan og Úsbekar náðu að jafna metin úr vítaspyrnu í uppbótatíma fyrri hálfleiks eftir að Spánverjar höfðu komist yfir. Sigurmark Spánverja kom svo á 62. mínútu þegar Sergio Gó­mez skoraði laglegt mark og Spánverjar voru komnir með sín fyrstu stig á leikunum.