Eitt af stærstu risamótum árs hvers í tennisheiminum er opna bandaríska meistaramótið, US Open. Það fer fram þessa dagana og lýkur um næstu helgi. Nokkur stór nöfn eru þegar dottin úr leik eins og Novak Djokovic og Carlos Alcaraz. Í kvöld bættist svo við annað stórt nafn á þann lista þegar Þjóðverjinn sem situr í fjórða sæti heimslistans, Alexander Zverev, tapaði 3-1 í settum fyrir Bandaríkjamanninum Taylor Fritz í 16 manna úrslitum. Jannik Sinner, efsti maður heimslistans, vann svo Tommy Paul fyrr í dag og mætir Danil Medvedev í átta manna úrslitum.
