Dansparið Hanna Rún Bazev Óladóttir og Nikita Bazev náðu í gærkvöld frábærum árangri á Evrópumóti atvinnudansara í latíndönsum. Hanna Rún og Nikita náðu þriðja sæti og unnu þar með til bronsverðlauna á mótinu sem haldið var í Leipzig í Þýskalandi.
DSÍ / Dansíþróttasambands Íslands
Dansað var Samba, Cha-cha-cha, Rúmba, Paso Doble og Jive. Nítján danspör voru skráð til leiks og komust sex bestu í úrslit þar sem Hanna Rún og Nikita náðu þriðja sæti.
