16 liða úrslit bikarkeppni karla í handbolta hefjast í dag með fjórum leikjum. Úrvalsdeildarliðin Haukar og ÍBV mætast klukkan 16 í beinni útsendingu á RÚV og á sama tíma á Akureyri eigast við Þór og ÍR. Stjarnan og Fjölnir mætast klukkan 17 og klukkan 18:30 hefst leikur Harðar og KA á Ísafirði.

16 liða úrslitin halda áfram á morgun með leikjum Víkings og Fram annars vegar og HK og Aftureldingar hins vegar. Þeim lýkur svo 9. desember þegar bikarmeistarar Vals fá Gróttu í heimsókn og Selfoss tekur á móti FH.