Fjórir leikir voru í ensku úrvalsdeildinni í fótbolta í kvöld. Arsenal sigraði Tottenham 2-1 og færði sig þar með nær toppliði Liverpool. Tottenham komst yfir á 25. mínútu en eftir hornspyrnu Arsenal hafnaði boltinn af Dominic Solanke, leikmanni Tottenham, inn í eigið net og staðan þá 1-1. Sigurmarkið kom frá Leandro Tossard fjórum mínútum síðar og lokatölur 2-1, Arsenal í vil.
Leikmenn Arsenal fagna marki.EPA-EFE / DAVID CLIFF
Newcastle tryggði öruggan 3-0 sigur á móti Wolves. Alexander Isak skoraði tvö mörk og kom Newcastle í 2-0. Anthony Gordon skoraði þriðja mark Newcastle.
Önnur úrslit Everton 0 - 1 Aston Villa Leicester 0 - 2 Crystal Palace
