Viggó Kristjánsson var markahæstur Íslendinga á heimsmeistaramóti karla í handbolta. Þátttöku Íslands er lokið en liðið varð í 9. sæti, hársbreidd frá sæti í átta liða úrslitum.

Viggó var í stærra hlutverki í hægri skyttustöðunni en oft áður vegna fjarveru Ómars Inga Magnússonar.

Viggó skoraði alls 32 mörk í leikjunum sex, eða 5,33 mörk að meðaltali. Orri Freyr Þorkelsson fylgdi næstur á eftir með 27 mörk en Aron Pálmarsson var þriðji markahæstur með 20 mörk.

Viggo er í 19. sæti yfir markahæstu menn mótsins hingað til. Mathias Gidsel er markahæstur með 49 mörk.

Hér má lesa allt um tölfræði Íslands á mótinu.