Tveimur leikjum af fjórum er lokið í Bestu deild karla í fótbolta í dag. Valur vann öruggan sigur á ÍBV 3-0 þar sem öll mörkin voru skoruð á 15 mínútna kafla í fyrri hálfleik. Þá komst KA úr botnsætinu með 1-0 sigri á Aftureldingu á Akureyri þar sem Hallgrímur Mar Steingrímsson skoraði sigurmarkið á 80. mínútu.
Hallgrímur Mar Steingrímsson tryggði KA mikilvægan sigur.Mummi Lú
Þetta er annar sigur KA í deildinni í sumar og með honum komst KA úr botnsætinu upp í það tíunda. Valsmenn komust upp í fjórða sæti með 12 stig og eru fjórum stigum á eftir toppliðinu Breiðabliki sem á leik til góða.
Tveir leikir hefjast kl. 19:15. Víkingur-ÍA og Vestri-Stjarnan.
