„Vildi oftast fela að ég væri einhverfur“
Viktor var í töluverðan tíma að finna íþróttagrein sem hentaði honum en datt svo niður á bardagaíþróttir þar sem hann nýtir ódæmigerða einhverfu sér til góðs. „Mig langaði að vera með strákunum í boltanum en mér fannst alltaf eins og ég gæti ekki fattað boltann,“ segir Viktor. Stuttu áður en Landinn hitti feðgana missti fjölskyldan heimili sitt í bruna. Viktor var heima með yngri bróður sínum sem hann bjargaði út úr brennandi húsinu ásamt fjölskylduhundinum.