Root

Dagskrá sjónvarps

Dagskrá útvarps

Íþróttir

Menning og dægurmál

Auðskilið

Fréttir á auðskildu máli

Forsíða

Innlendar fréttir

Erlendar fréttir

Kveikur

Kosningar

Fréttir

Menning

Mannlíf

Bókmenntir

Tónlist

Gagnrýni

Anna María Björnsdóttir

<blockquote data-block-key="skw4a">„Með sterku tungutaki og frumlegum myndum færir Sunneva Kristín Sigurðardóttir lesanda inn í dystópískan ævintýraheim þar sem skilningur á merkingu hefur minna vægi en tilfinning fyrir atriðum og andrúmslofti. Ljóðmælandi segir á einum stað að engum ætti að detta í hug að gefa slíkt rugl út, en slitrótt ljóðfrásögnin hefur þó sitthvað að segja, þótt fingri sé ekki auðveldlega komið á hvað það er. Framandgerving ræður för en um leið vakna spurningar um samskipti og samkennd, samkenndarleysi og eylöndin mitt í allri furðunni,“ segir í umsögn dómnefndar.</blockquote>

Ógeðslegir hlutir – Sunneva Kristín Sigurðardóttir

<blockquote data-block-key="skw4a">„Í Flaumgosum dregur Sigurbjörg Þrastardóttir nýjar og oft býsna skemmtilegar línur í þann skáldskaparheim sem hún hefur skapað í fyrri verkum. Ljóðin eru mörg hver galsafengin og fyndin, myndirnar lævísar og tónninn leikandi á mörkum kankvísi og kaldhæðni. Í eins konar kómedíu úr heimi hversdagsins er furðan aldrei langt svo hárfín spennan milli ljúfsemdar og launráða skapar heildstætt safn ljóða sem gaman er að lesa,“ segir í umsögn dómnefndar.</blockquote>

Flaumgosar – Sigurbjörg Þrastardóttir

<blockquote data-block-key="skw4a">„Óhætt er að segja að ljóðmælandi Geðhrærivéla birtist lesanda í senn sem eins konar spámaður og utangarðsmaður. Hinum ýmsu flötum samtímans eru oftar en ekki sendar lítið eitt eitraðar pillur, hvort sem andófið snýr að stjórnmálum, lífsvenjum eða sævarlitlu sálarlífi nútímamannsins. O tempora, o mores! var einhvern tímann sagt. Styrkur bókarinnar liggur þó ekki síst í því að hún forðast fremur predikanir en glettni og kerskni, og óvæntar myndirnar glæðast lífi með frumlegu tungutaki,“ segir í umsögn dómnefndar.</blockquote>

Geðhrærivélar – Árni Larsson

<blockquote data-block-key="skw4a">„Hér koma saman þýð og blátt áfram prósaljóð sem svipar á tíðum til örsagna eða dagbókarbrota sögumanns sem skyggnist yfir farinn veg - og svo styttri ljóð sem flest hver fela í sér auðlæsa merkingu. Líðandin er allt um lykjandi í hlýrri og lágstemmdri ljóðabók,“ segir í umsögn dómnefndar.</blockquote>

Þar sem dragsúgurinn er hvítur refur – Eyþór Árnason

<blockquote data-block-key="skw4a">„Aðlögun er ljúfsár og fyndin bók um hið hversdagslega, ógeðslega og fallega og óþolandi sem við þurfum að aðlaga okkur að og stundum umbera. Ljóðin eru beitt, háðsk og snerta lesandann á djúpan og óvæntan hátt,“ segir í umsögn dómnefndar.</blockquote>

Aðlögun – Þórdís Gísladóttir

<blockquote data-block-key="skw4a">„Að lesa bókina Ég hugsa um mig er eins og að fara í partý og heyra brot úr mörgum skemmtilegum samtölum um það sem hefur drifið á daga fólks í gegnum lífið. Bókin fjallar um hvernig við metum okkur sjálf og sambönd okkar við aðra og hvernig við reynum að ná sátt þegar við lítum til baka,“ segir í umsögn dómnefndar.</blockquote>

Ég hugsa um mig – Anton Helgi Jónsson

Tilnefndar bækur til Maístjörnunnar eru:  Ég hugsa mig: Nokkur ljóðaljóð og sagnir eftir Anton Helga Jónsson. Útgefandi: Mál og menning

Geðhrærivélar eftir Árna Jakob Larsson. Útgefandi: Sæmundur

Þar sem dragsúgurinn er hvítur refur eftir Eyþór Árnason. Útgefandi: Bjartur – Veröld

Flaumgosar eftir Sigurbjörgu Þrastardóttur Útgefandi: JPV

Ógeðslegir hlutir eftir Sunnevu Kristínu Sigurðardóttur. Útgefandi Pirrandi Útgáfa

Aðlögun eftir Þórdísi Gísladóttur. Útgefandi: Benedikt

fre_20250430_175710142

Ljóðaverðlaunin Maístjarnan hafa verið veitt árlega síðan 2017. Sex bækur eru tilnefndar en allar ljóðabækur sem gefnar voru út 2024 eru gjaldgengar að þessu sinni.

Tilnefningar til Maístjörnunnar 2025